Sitiari za Kiafya Katika Fasihi ya Kiswahili ya Watoto: Mfano wa Nimefufuka, Pendo Katika Shari ya Sitaki Iwe Siri

Ikisiri

Fasihi ya Kiswahili ya watoto imechangia katika kuelimisha jamii kuhusu masuala ya kiafya yanayoiathiri kama vile maradhi na usafi. Kwa jinsi hii vitabu mbalimbali vya Fasihi ya Kiswahili ya Watoto vimeandikwa kuhusu masuala hayo. Hii ni kwa sababu afya ni muhimu katika maendeleo ya jamii na katika kuafikiwa kwa maendeleo endelevu. Makala hii ilinuia kujadili aina za sitiari za kiafya katika matini teule na nafasi yake katika kuchanganua masuala ya kiafya. Msisitizo ulikuwa katika kubainisha aina za sitiari zilizotumika na katathmini ujumbe unaowasilishwa na sitiari hizi katika kukabiliana na changamoto za kiafya. Makala hii iliongozwa na Nadharia Changanuzi ya Sitiari ya Dhana inayofafanua aina za sitiari zinazotumika katika kazi za kifasihi na kuchanganua ujumbe unaowasilishwa. Uteuzi wa sampuli kimakusudi ulizingatiwa katika kuchanganua matini teule. Ilibanika kuwa waandishi wa matini teule walitumia aina mablimbali za sitiari za kiafya katika kuelimisha, kutahadharisha na kufahamisha jamii kuhusu dhima ya kuwa na afya bora